Detailed map of Reuben (Thomas Fuller, 1869; east is at the top)
សាសន៍រូបេន Reubenites គឺជាពូជពង្សរបស់រូបេន ត្រូវជាកូនប្រុសច្បងរបស់យ៉ាកុបនិងលេអា (លោកុប្បត្ដិ ២៩:៣២) (សូមមើល https://www.trinitycambodia.org/2025/09/blog-post_42.html)។ នៅពេលធ្វើដំណើរចេញពីស្រុកអេស៊ីព្ទ សាសន៍រូបេនមានចំនួនមនុស្សប្រុសពេញវ័យ៤៦,៥០០នាក់ ចាប់ពីអាយុម្ភៃឆ្នាំឡើងទៅ (ជនគណនា ១:២០, ២១) ហើយនៅចុងបញ្ចប់ការវង្វេងនៅវាលរហោស្ថាន ពួកគេមានមនុស្សចំនួនតែ៤៣,៧៣០នាក់ប៉ុណ្ណោះ (២៦:៧)។ ពូជអំបូរនេះបានរួបរួមជាមួយពូជអំបូរកាឌក្នុងការសុំការអនុញ្ញាតរស់នៅក្នុង «ស្រុកគីលេឌ» ដែល «នៅត្រើយម្ខាងទៀតនៃទន្លេយ័រដាន់» (៣២:១–៥)។ ចំណែកទឹកដីដែលត្រូវបានបែងចែកសម្រាប់ពូជអំបូររូបេនគឺជាទឹកដីតូចបំផុតក្នុងចំណោមទឹកដី ដែលត្រូវបានបែងចែកសម្រាប់ពូជអំបូរទាំងអស់នៅភាគខាងកើតទន្លេយ័រដាន់។ មិនមានការនិយាយពីពូជអំបូរនេះច្រើនទេ លើកលែងតែការចម្រើនឡើងនៃសត្វរបស់ពួកគេនៅស្រុកគីលេឌ (១របាក្សត្រ ៥:៩, ១០, ២០, ២១)។ សាសន៍រូបេនមិនបានជួយច្រើននៅក្នុងតស៊ូរបស់ជាតិសាសន៍អ៊ីស្រាអែលទេ។ ការត្អូញត្អែរចំពោះពួកគេនៅបទចម្រៀងរបស់ដេបូរ៉ាគឺជាការសង្ខេបនៃប្រវត្តិសាស្ត្រទាំងស្រុងរបស់ពួកគេ (ចៅហ្វាយ ៥:១៥, ១៦)។
ពូជអំបូរទាំងបីនៅខាងកើតទន្លេយ័រដាន់បានបាត់បង់សេចក្តីជំនឿលើព្រះអម្ចាស់ ហើយពេលវេលាវិនិច្ឆ័យក៏បានមកដល់។ ព្រះ «បានបណ្តាលព្រះទ័យនៃពូលជាស្តេចស្រុកអាសស៊ើរ និងទីកឡាត-ពីលេស៊ើរ ជាស្តេចស្រុកអាសស៊ើរ» ឲ្យចាប់គេទៅជាឈ្លើយ ហើយរូបេនជាពូជអំបូរទីមួយ ដែលត្រូវធ្លាប់ចូលទៅក្នុងទាសភាព (១របាក្សត្រ ៥:២៥, ២៦)។
